Food a Yard

by Charles Levy
(Near Ottawa, Canada)

Dis lang time me a farrin,
Me have fi tell you dis -
Of all de tings deh back a yard
De food is wha' me miss!

Gimme me sweet potato,
Yampie an' cornpone;
Gimme a plate a jerk pork
Or a hot jerk chicken bone.

'Member dip an' fall back?
'Member stamp an' go?
Nuttin' me tas'e a Canada
Can sweet me belly so!

Bammi an' roas' breadfruit
Two bullah an' pear,
Fix up wid bes' buttah,
Wash down wid Red Stripe beer.

Fresh swimp a Middle Quarters
Escoveech kingfish!
Plantain tart an' patty -
Dat is what me wish.

Of course, sal' fish an' ackee,
Dumplin' an' duckanoo -
No matta what else gawn to hell,
De food deh sweet fi true!

Click here to post comments

Join in and write your own page! It's easy to do. How? Simply click here to return to Charles Levy's Poems .